Бүгүнкү күндүн негизги көйгөйлөрүнүн бири болуп калган зордук-зомбулук маселеси, кундөн кунгө кулачын жайып кенири жайылып баратканы тынчсыздандырат. Мурда зомбулуктун бир-эки гана түрүн билсек, азыр болсо, зордук- зомбулуктун да түрлөрү арбып баратканы өтө бир кейиштүү. Ушул зомбулук апаатына чек койуу, токтотуу, алдын алуу максатында ВУЗдар аркылуу “Жашоо- зордук-зомбулуксуз кооз” аттуу темада кызыктуу дил маек уюштурулуп, “Ак-жүрөк” кризистик борборунун жамааты эксперт катары онлайн-конокто болдук… Иш чара жүрүшүндө катышуучулар тарабынан актуалдуу жана көйгөйлүү суроолор берилип аябай кызуу талкуу жаралды. Анын негизинде, тарбиялоо ыкмаларына, эркиндикти чектөө ж.б.ушул сыяктуу жөнөкөй эле маселелерге көңүл бурууну колго алуу керектигине ынандык, анткени зордук-зомбулук маселеси көбүн эсе үй бүлөдө башталып, дароо эле жат нерседей туюлбашын, дайыма эле уруп-сабоолор менен коштолбошун , анан эң эле негизгиси кичинекей нерселерден башталарын белгиледик. Ошону менен эле катар агрессия, агрессорлордун көбөйүшү…(бул да өзунчө чоң маселе). себептери да ошончо: ковид-19, жумушсуздук, жокчулук, миграция, кароосуздук, мээримсиздик ж.б., кыскасы бир көйгөй экинчи көйгөйдүн себеби, таасири, же уландысы дегендей болуп жатат. Кантсе да, жан дүйнөнү жарытайлы, үй бүлөлүк, инсандык баалуулуктарды кайтаралы!!! Карл Людвиг Бёрненин айтканы бар -” Зомбулуктун бардык түрү жан дүйнө үчүн уу” демекчи, ууланып жатканыбызды сезбей баратабыз. Жашообузду кооз өткөрөлүчү!!!
